⬇免費入場
同仔仔去左粉嶺同樂谷，超多野玩，勁開心！除咗入場唔使錢之外，入場即刻送你高爾夫球帽，仲有大把禮物同免費小食添！呢度有六大免費體驗區，活動目不暇給，將粉嶺都變咗一個歡樂嘅世界！
首先，有個「繽紛舞台」，每天都有唔同嘅運動同音樂表演，專業教練同運動達人帶領大家做瑜珈、頌缽、帶氧Zumba舞、普拉提等，仲有林德信、張天穎、Byejack同Nowhere Boys等著名歌手同樂隊為大家表演。
⬇Yum Me Play兒童體驗天地＋合家嘉年華
「Yum Me Play兒童體驗天地」同「合家嘉年華」教育同娛樂一應俱全，仲有STEAM元素嘅Wonderhats工作室，鼓勵細路自己設計高爾夫球場。另外有跳彈床、臉部彩繪、魔術表演、雜技同人像速繪等有趣項目。
⬇為食加油站
當然唔少得食嘢啦！「為食加油站」有Seoul Recipe、鬼混同KIN Food Halls提供國際美食，西式、韓式、亞洲料理一應俱全，令人食指大動！仲有免費爆谷、棉花糖同雞蛋仔，先到先得！
⬇高爾夫模擬器
野玩之餘，仲可以試下揮桿，活動場內有高爾夫模擬器同專業教練教授基本動作，仲有「揮桿大挑戰」遊戲同獎品等你嚟贏取！
⬇贏取獎品
⬇歷史生態遊
粉嶺舊球場嘅歷史生態展，導賞員會即場介紹，仲有紀念品送同機會報名參加「歷史生態遊」，體驗高球場背後嘅生態故事。
「粉嶺同樂谷」嘅活動全部免費，大家可以喺www.ticketflap.com預先登記索票，仲有免費泊車位同穿梭巴士服務，方便大家參加。呢個「國際都會高爾夫球錦標賽」係香港哥爾夫球會呈獻嘅大型體育盛事，獲「M」品牌認可，提升香港做亞洲體育盛事之都嘅形象。
唔想錯過呢個精彩嘅嘉年華，就快啲帶埋全家人一齊嚟粉嶺同樂谷，享受一個happy weekend ！
粉嶺同樂谷
日期: 2023年3月23 至 26日(星期四至日)
時間: 早上7時 至 晚上7時
地點: 香港哥爾夫球會 – 粉嶺球場 香港新界上水粉錦公路地段 1 號
費用: 全免
Facebook
Email
WhatsApp
Add a comment