我哋無額外購買追加門票，由日頭12:00玩到夜晚8:00，分享以下遊玩路線（基本上係諾諾揀所以唔係最順）

睇20周年追魂館>係南神莊園同哥哥姐姐玩遊戲拎糖果>睇熊貓>Book石場同後花園>坐纜車上山>途經老大街見到鬼街坊就影相打卡>睇海豹海象>3:30pm肚餓坐海洋列車返去熊貓薈食買一送一下午茶餐>玩礦石場同後花園>又再去多次追魂館>5:30坐海洋列車上山

睇屍人大婚匯演>去鯊魚館途中同型爆造型嘅角色影相打卡>睇完鯊魚坐纜車返落去>係老大街尋兇>又睇多次追魂館>離開

#20周年追魂館 相比以前鬼屋較啱小朋友我見5歲以上嘅小朋友都幾欣賞，有細心嘅文字介紹，係另類知識學習諾諾鍾意到參觀咗3次走咗依然不停講

#南神莊園 啱幼兒至小童玩 排隊玩下互動遊戲同影相，一家Fun，咁啱琴曰係寵物同樂日，有好多狗狗在場，感覺好嘉年華

#老大街 鬼街坊造型好特別，諾諾第一次對舊香港有興趣，問下點解佢哋講嘢唔同同d衫唔一樣；夜晚尋兇環節好熱鬧，好多人一齊盤問d街坊，諾諾玩得好投入唔願走！

#屍人大婚 好有氣氛，好睇嘅！表演者拉大隊去迎親成班人跟住隊尾，諗返以前 #哈囉喂 真係好青春！

5:30後紙紮公仔（表演者）會開始陸續係山上斜路出現，今年斜路個邊主題係紙紮祭，所以好多紙紮物品可以影相合照打卡；除咗表演者外，好多人都有裝扮好入場一齊玩，見到好多今期大熱嘅魷魚遊戲裝扮，亦有好多好有心思嘅裝扮，例如：殭屍、天線得得B、紙房子等等！有朋友一齊打扮一齊玩真係好爽我見到都覺得好開心，不如講句「Happy Halloween 」影相留念

我真係好欣賞你哋啊好開心見到你哋～