有個教育中心，我一直都想去，就係林邊生物多樣性自然教育中心(紅屋)。
第一次同豬仔包行柏架山道自然徑時，路過紅屋，但疫情沒有開放，管理員話節日會有工作坊，又有多樣性生物睇，建議我重開時再帶小朋友去。
中心設有三個主題展覽廊、多功能會議室、資源室、活動室和自然步道，以介紹香港珍貴的自然資源和生物多樣性。
⬇紅屋
林邊屋又稱紅屋，1922年興建，原作太古糖廠的高級職員宿舍。1998年被列為二級歷史建築物，2012年活化成為香港第一所生物多樣性自然教育中心。
⬇展覽廊
一入到去，見到展覽廊在播放影片介紹生物多樣性的定義、作用及價值。不過我哋最想睇係多樣性生物，於是唔夠一分鐘，我哋就已經走去展覽廊2參觀。
⬇標本動物
另一邊有標本動物，看到玻璃貼著介紹，我哋就逐張圖鬥快揾番個展品出嚟，豬仔包一揾到即刻勁興奮，孩子確實很易滿足。
館內有大電視不斷播出不同種類的多樣性生物，我大部份都未見過，有啲連個名都唔識讀，真係大開眼界。
⬇互動多媒體遊戲
跟住我哋再去展覽廊3，裡面有互動多媒體遊戲，有中文和英文選擇，仲有可以影大頭相，我哋去時完全冇人，所以可以慢慢玩。雖然展館不大，但我哋都參觀咗40分鐘。
⬇中心外環境
在中心外，看到平時很少見的植物，媽媽十分感興趣，看看小冊子才發現原來除室內展覽廊外，仲有戶外可以參觀，不過豬仔包已經攰，唯有下次再慢慢睇過。
⬇體驗自然教育工作坊
臨離開時看到有「體驗自然教育工作坊」時間表，但職員話疫情關係，暫時還未重開，豬仔包話之後重開再去過。
⬇3D打卡位
⬇地圖
林邊生物多樣性自然教育中心
地址：香港鰂魚涌柏架山道50號
交通：鰂魚涌地鐵站A出口或途經鰂魚涌太古坊巴士。下車後沿英皇道步行至鰂魚涌市政大廈旁的柏架山道口，再步行上山約15分鐘，可直達中心入口。
開放時間：戶外6:00-18:00，展覽廊9:30-16:30
*逢星期二（假期除外），農曆新年年初一及年初二休館
Facebook
Email
WhatsApp
Add a comment