FINAL LOGO-02

假日好去處【彩色小木屋露營體驗】

🌈彩色小木屋露營體驗🏚
色彩繽紛嘅小木屋加上一片綠油油嘅草地🌱🌱🌱再配上藍天白雲☁️☁️,真係靚到嘩嘩嘩嘩嘩~ 黃昏時份幸運地遇上絕美晚霞❤️,頓時覺得整個環境充滿著異國風情,留港都有旅行渡假feel⭐️
小木屋渡假營位處於新界錦田水尾村,營地內有16間色彩繽紛嘅小木屋,今次我哋三個家庭👨‍👩‍👧‍👦一齊去玩,安排入住小木屋🏚嘅顏色係粉紅色、泥黃色及草綠色(小木屋顏色是隨機的)。
每間小木屋外面都有圍欄及休憩座椅,私隱度十足,讓每個家庭都能夠享有自己嘅小空間🎼。營地內有大草地、滑梯及大水管等遊玩設施,可自備單車🚴,滑板車🛴,球⚽️🏸類等到場玩。
 
☀️☀️炎熱夏日最住嘅消暑方法就係同朋友仔玩水槍🔫打水戰💦(水槍自備)。
💚在草地隨處都可以看到怕醜草,大朋友小朋友伸手逗玩一下覺得非常療癒,謝謝大自然送給我們的快樂🌻
小木屋唔單只環境優美,屋內嘅小閣樓先係最吸引嘅地方🧡!大眼睛小眼睛媽媽細細個已經好鍾情於小閣樓,而大眼睛小眼睛同朋友仔都好鍾意呢個秘密小基地,不停爬上又爬落。閣樓上也有窗戶🖼可以看到外面的景色。
屋內配備冷氣(夠晒凍)、單門雪櫃(沒有冰格)、熱水壺、電爐、煮食煲(可作簡單淥麵或通粉)、沐浴間、洗手間🚽、電插及2張雙人梳化床🛋
 
遇上好天氣可向營地借用帳篷⛺️自行放置於小木屋外草地🌱🌱🌱,體驗一下露營嘅感覺。
營地有燒烤爐🔥可提供租用,食物需自備。
接待處亦有少量飲品🧃提供購買,但只限下午五點之前,因為五點之後負責人便離開營地。緊記緊記自備足夠嘅食物🍳及飲品🥤,戶外活動當然唔少得要自備蚊香蚊貼🦟
 
不得一提營地最貼心嘅地方係可以彈性更改入住日期🥰。如有事或疫情需改期,接受活動前三天最遲下午15:00前通知改期(不會有任何額外手續費)。如當天早上懸掛8號或以上風球、紅雨或黑雨,接受即日改期。本來我哋係六月頭入住嘅,但天氣預報入住當日會落雨,最後我哋改左七月頭先出發。
 
📍小木屋渡假營 Simple Cottage
地址:元朗錦田水尾村
電話: 5499 5445
Facebook
Email
WhatsApp
  • No comments yet.
  • Add a comment
    0
      0
      購物車 Cart
      沒有貨品 Your cart is empty返回 Return