港島最新打卡點 ・東岸公園主題區

港島區最新落成沿海公園・【東岸公園主題區】位於炮台山，從地鐵站行過左大約5-10mins路程。

海濱公園主打360度維港景色，沿海景色好靚，場地用上繽紛色調，影相打卡都特別搶眼！

呢度仲可以帶埋寵物黎架！狗狗响草地跑一定好開心

色彩繽紛嘅平衡車賽道，啱晒鐘意玩平衡車嘅小朋友。

遊樂場方面，有兩條好短好短滑梯，適合年幼兒童玩。

男神媽媽提提你

戶外地方比較曬，請準備防曬物品。
帶備足夠飲品。
平衡車賽道，只限平衡車使用（滑板及滑板車）正門告示板寫
場內設有公廁
泊車：公園門口有【錶位】 及【維多利亞中心停車場】

東岸公園主題區（第一期）
開放日期及時間︰9月25日起24小時開放
地點︰炮台山屈臣道以西
交通︰從炮台山港鐵站A出口經油街轉入電氣道，至屈臣道街尾可到達主題區，步程約7分鐘。