媽媽一向對環保事物感興趣，知道McDonald’s麥當勞為推動環保教育，實行「齊齊減塑·麥麥行多步」計劃，逐步將餐廳使用的塑膠餐具轉為木餐具，預計每年減少使用約一億件塑膠。

麥當勞餐廳還將紅磡站分店打造為「 Baby Shark 主題」，不論扶手電梯還是地板都可以見到Baby Shark 一家嘅蹤影，沿著地上Baby Shark成員圖案走，便會發現餐廳後方的Baby Shark室內兒童遊樂區。豬仔包一去到門口，已經比一班彩色繽紛嘅Baby Shark成員所吸引，連最愛嘅薯條都可以唔食住，直奔Baby Shark兒童遊樂區。

 

入到遊樂區，豬仔包第一時間就係玩滑梯，好彩仲識得除咗鞋先入去。之後就轉戰蜂巢型小屋，爬上爬落不斷同媽媽say hello。玩咗一陣到咗清潔時間，豬仔包就玩番啲靜態嘅活動，去咗打卡、睇圖書同玩填色簿。

 

豬仔包玩咗一個遊戲，已經知道邊啲係環保物品，邊啲係塑膠物品應減少使用，以互動遊戲方式學習，真係輕輕鬆鬆就學到環保小知識！

 

 

餐廳除咗實行「齊齊減塑·麥麥行多步」計劃走塑之外，還推出Baby Shark環保圖書系列 ，內容涵蓋三大可持續生活主題，透過繪本輕鬆教導小朋友建立環保意識，一套6款。

 6款圖書主題包括：

～飲管 No! No! No!

～減塑學堂

～大嘥鬼 No Way

～節能鯊魚寶寶

～大戰垃圾大魔王

～幫幫大森林

凡購買「開心樂園餐」即可隨機獲一本Baby Shark圖書，分三星期推出，咁有教育意義，媽媽當然換哂兩本啦！雖然圖書同遊樂區的内容相同，不過變得比較小巧，方便攜帶之餘，仲可以放心比豬仔包玩書後的小遊戲，一定要換齊一套先得。

Baby Shark嘅圖書都非常吸引豬仔包，媽媽講完一本又一本，差不多6本都講齊先肯停一停，不過玩咗咁耐係時候抖一抖，食嘢醫肚先啦！

第二次進入遊戲區，豬仔包唔係玩滑梯，竟然係攞圖書走入去蜂巢型小屋度坐低自己睇，媽媽冇得親子伴讀添，不過睇咗兩本圖書就出番嚟，可能光線應該有點黑吧。

響豬仔包玩樂期間，媽媽見到書架上除咗Baby Shark嘅圖書之外，仲有好多適合小朋友嘅圖書，恐龍、汽車圖鑑等等，非常豐富。

問問職員先發現原來場內圖書可以借走番屋企慢慢睇架，睇完之後帶回去歸還放番去書架就得，仲可以將家中不常看嘅書籍攞去比職員，適合嘅書籍職員就會放上書架，這樣就變成漂書啦，真係好有意義又環保！如果大家路過附近，不妨帶小朋友去遊玩一下，係免費架！

 

日期：由2022年9月23日起

地點：紅磡站1/F麥當勞餐廳

交通：港鐵紅磡站C3出口

開放時間：星期一至五 14:00 – 18:00；

星期六、日及公眾假期，12:00 – 18:00

費用：免費