係哥哥考試閉關前，朋友仔拉埋我地去咗一個好好玩好又充實的2日1夜營，就是保良局賽馬會北潭涌度假營。估唔到呢個地方咁靚，又有數之不盡的戶外和戶內活動，真係啱晒小朋友去放電！

首先講下有咩付費活動，這裏有類似在新加坡聖陶沙玩的那種蹦極彈網（Trampoline)，在新加坡玩一次需要二百多元，這裡只需$60，算便宜喔。這裡也有飛索體驗（Zip Line)，目測比黃金海岸的高一倍，亦值得去玩。另外還有獨木舟體驗（需八歲以上）、動物家族（騎馬仔）、放電滾筒@泳池、手搖船、充氣彈床、相框DIY，價錢由$20至60不等。

 

至於免費活動也很多選擇，有成人/小童單車、兒童繩網陣、箭藝體驗、人工石牆、游泳、各項球類活動例如：足球、籃球、乒乓球、羽毛球等，孖寶真係玩完一樣接住一樣，沒停過。這裡除了有室外遊樂場外，也有室內遊戲室(有康樂棋、滑梯、彈床和需付費遊戲機），天氣熱起上黎，入去避下暑都不錯。

 

我們幸運地，抽到的房間對住個湖景，靚到不得了，冇諗過香港都有咁靚嘅地方，很優閒又舒服的感覺。房間內亦好整潔，地方很寬躺，有冷氣，四人房足足有四張床，唔使驚唔夠位瞓問題。

 

這裡有餐廳，汽水機，晚餐早餐唔怕冇野食。亦可以選擇訂這裡的燒烤包BBQ $56/位，每5份包一份炭&蜜糖，可另自攜食物。早餐$28/位，算是圍頭餐，有粥、麵和一些點心。

 

這個度假營啱晒一班小朋友來玩，大家都非常開心，玩到唔捨得走。

 

訂房及收費詳情可去官網睇