蕉媽畢業後一直喺中環一帶返工， 對老蘭有特別感情，唔係因為我成日蒲，只因我同MM爸以前放工後，經常喺老蘭附近搵嘢食。

疫情後，老蘭夜晚真係靜咗好多。我同MM爸早2日襯拍拖日去咗老蘭晚飯支持下，揀咗間叫Pieology 嘅Pizza店，全因那幅超靚嘅塗鴉牆太吸睛。

上網一查，原來Pieology喺由美國加州開過嚟香港，創立Pieology嘅仲係以前好出名嘅網球明星張德培 ……個細佬。

 

Pieology 嘅Mission – “Turn one of America’s favourite food into an affordable and interactive experience “，嚟到香港都一樣貫徹始終，食物價格唔算太高，而互動方面就係指顧客可以自選pizza的配料、醬汁及厚薄批，以及自己搭配沙律（自訂生果/蔬菜比例）

。我哋點咗一個自選pizza（$168），醬汁可以選自家製特式蕃茄醬、黑松露沙律醬、芝士醬及BBQ醬，薄餅底可以揀厚批或薄批，我哋揀咗個薄批、醬料一半用蕃茄醬、另一半用黑松露沙律醬。可選4款配料，我哋揀咗雞肉、辣肉腸、洋蔥及粟米。其他選擇包括蘑菇、辣椒絲、椰菜花及西蘭花。即場烤製嘅Pizza 特別香脆可口。

帶辣味嘅烤雞翼非常惹味

估唔到烤蝦嘅蝦味又幾鮮甜。

味道亦不錯就係有啲細杯。

睇住店員用新鮮水果加乳酪及蜜糖加冰製作而成，好味又健康。

Pieology暫時仲等緊個酒牌，所以MM爸就冇得欲啤酒啦！

嚟到呢度一定要喺塗鴉牆前面打卡留影呢，仲有廁所嘅牆上都有驚喜呀！

地址：中環榮華里13號榮華大廈A座地下J號舖

交通：港鐵中環站 D2 出口，步行約3分鐘。