過去了的星期日，媽媽帶豬仔包參加了一個好特別嘅免費活動兒童脊科基金 Children Chiropractic Foundation – CCF主辦嘅《挺直之旅體驗天地》。「挺直之旅」是全港唯一互動體驗天地，透過各種體驗遊戲活動和護脊運動鍛鍊，讓兒童深入認識脊骨神經健康的重要性。體驗包括4個互動專區，包括《脊科學堂》、《我是小脊醫》、《齊來動動脊》及《探究脊骨神經》。以視覺、聽覺、觸覺及運動細胞等多個感官器官進行探索，加強孩子對骨神經系統運作效能的了解，建立做護脊運動和定期檢查脊骨的習慣。原先媽媽諗住活動會有一段關於脊骨嘅講解，仲擔心豬仔包會坐唔定冇心機聽，點知點齊名，就直接開始體驗，小朋友自由探索，太好了！

 

4個互動專區以顏色作區分，我哋第一個去嘅係藍色嘅《脊科學堂》。活動是Kinect體感護脊遊戲，睇住大電視小朋友一齊做動作，豬仔包好認真跟住做架，做完就會有脊科知識挑戰，雖然豬仔包唔識答，但就好醒目咁跟住啲哥哥姐姐選答案，最後全部問題都答岩，個個小朋友都有貼紙做奬勵，非常開心！

 

黃區《齊來動動脊》最受小朋友歡迎，一開始個個小朋友都要跟職員做護脊運動熱身，之後穿越脊骨神經隧道去到攀石牆同繩網，每次最多兩個小朋友一齊進行活動，仲有職員幫手添，玩得好安心。

 

最後，我哋去到最後一個互動專區，綠色的《我是小脊醫》。豬仔包可以化身為脊醫師，幫媽媽檢查脊骨，仲可以認識X光片，睇到脊骨彎咗係點樣。同時，亦有職員幫豬仔包簡單睇吓脊骨有冇明顯問題，幸好豬仔包非常健康。

 

由於場地不大，我哋好快就體驗了所有專區，可以重覆再體驗，豬仔包第一時間就再去番黃區，不斷叫職員姨姨教佢做哂全部議脊運動，氹得職員姨姨好開心。除此之外，一向唔敢爬高嘅豬仔包竟然經過三次體驗，可以爬哂整幅攀石牆，仲可以爬上繩網區頂部摸到個目標漢堡包，實在太驚喜！

一小時體驗好快就過去，個個小朋友都玩得好開心，亦對護脊有了初步認識，臨走豬仔包仲主動幫職員姨姨一起收拾，完成後職員都忍不住送多張貼紙比豬仔包做奬勵，如果響屋企都係咁乖收拾就好啦。除咗體驗天地，機構仲提供學童脊科保健，進行脊骨檢查，仲要費用全免。