#藍天碧海翠綠環繞 #絕美秘景 #親子行山路線 #擁抱大自然
踏入10月感覺秋天來臨，雖然仲係好熱，但係絕對阻擋唔到我哋親親大自然








早起的鳥有蟲吃，不枉我哋四個一早，早上嘅空氣果然特別清新，人又少天氣又好，真係點影都咁靚，背山面海，#氣勢磅礡嘅天然海景岩石，#翠綠環繞嘅一草一木。




當日天氣真係好好望一去海面啲水超清，仲見到下面嘅岩石，沿路都有行人扶手，石屎路算係非常好行，不過都有好多石級，對於少運動嘅我來講都行到有啲攰。雖然途中有啲分叉路，但其實左兜右兜都係同一條路。



入去嘅時候會經過一條 #藍橋,聽講係超出名嘅 #打卡熱點,今年年頭先重新油油，由於橋身只可以有兩人闊度通過，所以又名為 #情人橋, 我自己都係第一次嚟。


行到攰，出返去小區會有士多可以買雪條飲品，仲有餐廳可以食吓嘢，當然仲可以去沙灘玩埋水，不過我哋冇帶到裝備，同埋行完山都好攰啦
難度: 兩粒半星,唔想太難，亦都唔係太易，彤彤昕昕 3/5歲都可以自己行到，俾大家參考，同自行評估。