天陰陰，經過大圍顯徑站，就想起要去一趟顯田遊樂場！ 一個設有不少攀爬設施，有助孩子訓練大小肌肉、手眼協調、低至高難度挑戰的公園！更重視是，建立孩子與家長之間的互信的機會！

每次去公園，除了讓小朋友體能大大提升外，其實也是孩子建立自己的信心及讓家長見證自己努力的契機！

點解我咁講

成日都聽到小朋友同家人講：「我想玩哩個！」

卻換來大朋友們：「哩個您唔得架！」

當小朋友講「哩個我驚呀！/我唔得呀！」

大朋友則是回覆：「您睇下人地都得啦！」

孩子每句說話的背後，是帶著恐懼去拒絕，還是希望身邊人扶他一把的鼓勵每一步出自於自己與家人的信心，還是情非得已的嘗試

誠然地，每次去公園玩，我都好享受，因為我知道，當您勇於探索每個小設施，孩子就會跟您一樣找到箇中的樂趣，當然，緣份也有拒絕玩，拒絕嘗試的時候，那就陪她一起等待，一起踏出第一步的機會！

我的鼓勵句子：

如果跌親

：「哎呀，可能有點痛！是否需要擁抱？」

再觀察

「媽媽看到您隻手都扶您起身，媽媽好欣賞您自己幫到自己！」

我好驚，唔玩啦

：「係wor !真係有d驚!您最驚的地方是…？」「咁您想放棄？定係一齊再嘗試？」

如果孩子回答「放棄」

：「好呀！放棄都係可以架，等您準備好，我地下次再試」

：媽媽我玩得好大汗

：「因為媽媽見到您頭先您好努力去試唔同既設施」

純粹分享，願每位媽媽多檢視自己的說話，給孩子及自己信心與勇氣！

 

延伸路線：

顯徑邨懐舊遊樂設施

顯田游泳池

遠足：

望夫石 / 下城門水塘

馬鐵路線：

車公廟遊戲室/圓洲角遊戲室

前往方法：

馬鐵顯徑站出口，步行一分鐘便到