【 搞怪有趣的萬聖節派對套餐 】

 

黎到10月，到處都充滿萬聖節的氣氛，就連好玩的Donut Cafe都推出左萬聖節限定套餐呀！咁吸引，當然要約埋哥哥的一班朋友仔一齊去食啦！

萬聖節限定的美食造型真係勁攪鬼，一上枱成班小朋友已經嘩嘩聲，係咁話好得意 我哋想一次過試晒「傑克燈南瓜雞肉飯」、「嘩鬼小食拼盤」和「粉紅魔幻士多啤梨奶昔」，所以選擇左「Donut and Ah Meow搞怪派對套餐」，有飯有小食拼盤和兩杯奶昔，一次過滿足我哋的食慾。

「嘩鬼小食拼盤」有嘩鬼造型的迷你漢堡和酥皮脆皮腸，仲有BBQ雞翼，小朋友都話好好味。媽媽們就覺得「傑克燈南瓜雞肉飯」唔單止夠特別，南瓜飯好Creamy充滿南瓜香，值得試下。

 

Donut Cafe環境好光猛，好寬敞，枱與枱之間有足夠的空間，坐得好舒服。

除咗有萬聖節限定的餐飲外，Donut Cafe最吸引小朋友的一定係場內的超長滑梯，又快又刺激。

 

仲有好多攀爬的繩網遊樂設施，也有靜態的廚房玩具和車車玩具等，足夠小朋友盡情放電。

 

安妮媽媽幾鍾意Donut Cafe的親子配套，好完善好方便，餐飲區內已經有洗手間和育嬰房，而且好乾淨，下次可以帶埋弟弟一齊黎玩喇！

Donut Cafe by Donut and Ah Meow

地址：荃灣D·PARK 愉景新城 Level 1 Donut Village

電話：2617 6773

營業時間：11:00-20:30