今日帶左Aidan去愉景新城睇戲，估唔到間戲院會有驚喜，真係名副其實的親子戲院，入面有間小型遊戲室架！當然要買票入場睇戲先可以玩啦，職員話散場就可以留係playroom玩。

今日Aidan自己揀左要睇「古魯家族2：霸器新時代」，故事係講古魯家族話要齊上齊落先係最重，做咩都要一齊，之後佢地遇上高汁家族，對古魯一家真係好大轉變，仲攪到有好多爆笑和驚險刺激的情節，差唔多由頭笑到尾，Aidan都話好好睇，樂在其中。

散場我哋去咗戲院House 4 隔離的小型playroom玩，入面有超級迷你的滑梯、車仔、積木、瑜伽球和軌道車車等。其他玩具比較適合細d的小朋友，所以哥哥只玩軌道車車，佢好鍾意玩呀，速度感十足。

playroom好細，一眼睇哂，但散場小朋友可以玩一陣都會幾開心，記住玩完要消毒清潔雙手呀。

另外，House 5 隔離仲有個兒童圖書館，入面有枱櫈俾小朋友坐低睇書，圖書唔多但勝在無人，可以任睇。

點擊圖片放大

 

係戲院門口仲有兩架救援小英雄Poli 和Amber的電動車，Aidan見到開心到飛起，但都唔平架，Poli電動車要3個代幣，Amber電動車就要4個代幣( 10元2個代幣，戲院售票處換 )，我哋俾哥哥揀一架同弟弟玩，兩兄弟第一次一齊坐車車，弟弟好開心呀，笑足全程。

**荃灣愉景新城第一層1036-1045號舖

Cinema City @愉景新城

http://www.cinemacity.com.hk/