今日我地去左南丫島文化村一日遊，有晒心理準備以為會熱到嘔，曬到嘔啦，點知比想像中好，因為好多地方都有瓦遮頭，再加上涼涼海風吹過好舒服！

今日天色超好藍天白雲，我幫雨豬仔影左好多靚相，又玩左好多唔同既活動，野食全是用魚做好鮮好好味！

同大家分享一下我既行程啦⋯⋯

 

我預先係網上訂好晒要玩要食既野，由中環坐船去索罟灣，落左船就去南丫島漁民文化村售票處拎飛，之後會有專船送你過去，船程大約5分鐘左右，之後到左目的地會有導賞員講解一下，有咩好玩，因我地買左package所以可以玩餵魚、無勾釣魚、整咸魚、整繩索⋯⋯等等

午餐方面我地點左6人餐已包漁家小食拼盤、魚湯米粉、游水魚柳包，我地再額外點多兩碗蟹粥(因為話必叫)，食到飽一飽，食物味道真係不錯

食飽之後當然開始玩活動啦！唔知係唔係星期六黎無咩人，想玩就玩咩，不過順帶一提船期星期六比較疏，要睇好晒時間不然要等好耐！星期日會好點因有加班船。今日雨豬仔玩得勁開心，有機會再黎過

想收到我地最新資訊，請記得like我地FB同IG

IG

#hannah雨豬仔之吃喝玩樂世界 #雨豬仔之吃喝玩樂世界 #雨豬仔世界 #babyhannahlala #babyhannah #hannahlala #南丫島 #南丫島文化村一日遊 #lammaisland #中環索罟灣 #central #坐船